الرائدة في صحافة الموبايل

تصريحات حصرية للفنان مصطفى قمر على ردايو إنرجي

إلهام علاء – مصر

صرح الفنان مصطفي قمر عن عدة تصريحات لأول مرة عن حياته وأعماله الفنية من خلال إستضافته في راديو إنرجي “نجم شهر مايو” مع الإعلامية سلمى قاسم يوم الثلاثاء الماضي .

وهذه التصريحات تحدث عنها مصطفي قمر لأول مرة من خلال هذا اللقاء وهي :

  • ويجز ومروان بابلو عاملين شغل كويس لكن الموضوع اتطور وبقي في شتائم في الأغاني ودي حاجه مش مقبولة ومش مفهومة بالنسبة لي ، الفن الذ من كده بكتير .
  • “هنقول إحنا لسه حبايب” خدتها من عمرو مصطفي وبعدها قالي إن عمرو دياب عايز يغنيها فقولتله ياخدها بس لو مش هيقدمها هاخدها تاني ، وعمرو دياب غناها فعلا مرة في حفلة و محسهاش .
  • لو كنت نقيب المهن الموسيقية كنت هراجع علي الكلام لكن المزيكا مكنتش هتدخل فيها ، مفيش نوتة قليلة الأدب .
  • أغنية “يا طبطب يا دلع” إتعرضت عليا بس قولت لأيمن بهجت قمر وطارق مدكور يدوها لنانسي عجرم ، حسيت إنها لايقة عليها وفعلا كسرت الدنيا معاها .
  • عن أزمة برنامج “5نجوم” ، الدعاية ماعجبتنيش ولازم أخد حقي ويكون في إعتذار عن اللي حصل بخصوص الدعاية .
  • مش دايما بتابع السوشيال ميديا حاجات كتير مبتعجبنيش لأنها بتبقي متحررة أوي .
  • لو كنت أغني واحد في العالم هساعد الناس اللي في المجاعات ، والحيوانات هيكون ليها نصيب من المساعدات .
  • لو هنتج كليب كتير إني أحط ميزانية 3 أو 4 مليون لكن لو في رعاة ممكن أعمل كده وأحاول أرجع الفلوس دي عن طريق المشاهدات .
  • عن بطولته في مسلسل مع سمية الخشاب ، كانت فكرة إتعرضت عليا ورحبت بيها ، لكن لسه مفيش ورق .
  • أغنية “زحمة الأيام” بعتبرها إتعملت لتكريم الشاعر سامح العجمي والملحن أشرف سالم اللي توفوا وإحنا شغالين علي الأغنية ، وكنت متأثر جدا وإحنا بنصورها .
  • أستعد لطرح أكثر من أغنية سينجل الصيف ده .

ويذكر أن أخر أعمال الفنان مصطفي قمر كان فيديو كليب “زحمة الأيام” مع المطربين إيهاب توفيق وحميد الشاعري وهشام عباس ، الأغنية من كلمات الشاعر الراحل سامح العجمي و الملحن الراحل أسرف سالم وتوزيع وفواصل موسيقية نديم الشاعري وتوزيع وتريات أحمد الموجي .

وأخر ألبومات مصطفي قمر كان “لمن يهمه الأمر 2” ضم هذا الألبوم 7 أغنيات تعاون فيهم مع الشعراء رضا زايد و الراحل سامح العجمي وألحان مصطفي قمر وأشرف السرخوجلي والألبوم بالكامل كان من توزيع مصطفي قمر ، وأغاني هي “هغنيلك” و “عجوز في المدينة” و “حبك علي جبيني” و “دقي عودك” و “راجعين” و “مسافر” مع ياسر قمر و “حنونة” مع ناصر المزداوي .

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد