أميمة بودري – دنا بريس
وجه الفنان ” تامر حسني” رسالة عتاب لزوجته بسمة بعد تهورها بالإعلان عن خبر الإنفصال قائلا على موقعه الرسمي في الأنستغرام” بسمة حبيبتي للأسف انتي مفكرتيش كويس و سلمتي ودانك لشر السوشيال ميديا عشان كان تعليق كلامهم فارغ نسوك انك عرفتيني وأنا مشهور و دي طبيعة شغلي اللي عرفتيني وحبيتيني بيها , إزاي وصلوكي للزعل والبعد فترة , المهم انتي حبيبتي وأم ولادي انا ظهرك و سندك مهما حصل بس اللي عايز اقوله لعل يكون سبب خير في توعية ناس كثير “.
وأضاف ” نجم الجيل ” قائلا : ” ليه لما لما أي حد بيزعل من حد بيطلع بيكتب عليه في السوشيال ميديا طب حتى يكلمو الأول إيه علاقة الناس بعلاقة شخصية بين إثنين ممكن تتحل بالتليفون أو في زيارة رحيمة مابينهم وياريتها مشكلة أصلا .
وتابع رسالته ” ياريتك تركزي مع طاقة الناس اللي دعو لنا ودعوا لأولادنا بكل خير أنا بشكر كل الناس والفنانين اللي سعو في الخير لينا , وأنا واثق إنك دلوقتي زعلانة إنك كتبتي كده , هو تصرف متهور منك بس ولا يهمك مش عيب الإنسان يغلط ويتعلم وأنا ياما علمتك ولسه هعلمك , كان نفسي الكلام ده يكون بينا لكن انت أشركتي الجمهور الكريم فكان لازم أرد هنا “.
واختتم تامر رسالته على الإنستغرام بتعبيره عن حبه لبسمة وابنائهم قائلا ” وبينا حب غالي وحياة كريمة وأولادنا وبيتنا وأغلى ما فيها ربنا يخلينا ليهم ويخليهم لينا يارب , متهورة , بس بحبك.
ويذكر أن رسالة تامر كانت عبارة عن رد على ماقالته زوجته بسمة بوسيل مساء أمس في تغريدة على حسابها بتويتر .