إلهام علاء – دنا بريس
هاجمت الفنانة حلا شيحة الفنان تامر حسني وذلك بعد تجاهله لها وطرحه فيديو كليب لأغنية “بحبك” من فيلم “مش أنا” و الذي كان يتضمن مشاهد رومانسية تجمعه بها، رغم إنها أعلنت برائتها من العمل .
و قالت حلا شيحة في تصريح عبر حسابها بموقع “الإنستغرام”
: ( بحمد ربنا اني اخيرآ لقيت التوازن من اني أكون سعيدة في حياتي وفي نفس الوقت أكون صادقة مع نفسي و اللي مؤمنه بي من جوايا ، بالنسبة لفيلم “مش أنا”في الحقيقة تم تصويره من اكثر من سنه و نص و بسبب الكورونا أتاخر جدا نزوله و انا كمان حالي أتغير و أتجوزت الحمدلله و الفيلم فعلا بقي “مش أنا” وبتمني التوفيق لكل زملائي).
و بعد تصريح حلا قام تامر حسني بنشر أغنية “بحبك” و أجزاء من مشاهد الفيلم عبر حسابه على موقع “إنستغرام”
هاجمت حلا تامر حسني بعد طرحه للأغنية و كتبت: ( أنا إتفاجئت جدا بنزول كليب يجمع فيه مشاهد متفرقة من الفيلم وفي أيام ذي الحجة ايام مباركة و خصوصآ بعد آخر بوست نزلته ووضحت في أنا إيه و إتفاجئت أكثر خصوصا بعد وعد تامر حسني ليا و تأكيده انه حيحترم رغبتي و بعض الطلبات اللي طلبتها منه بكل إحترام وود الصيف اللي فات و أكدلي إنه حيحترم رغبتي).
و أضافت : ( إحنا يمكن نجحنا بمقاييس الدنيا بس صدقوني بمقاييس ربنا احنا لم ننجح .. أنا عارفة و متأكدة ان زملائي جواهم خير بس للأسف فتنة الشهرة و النجاح مش بتخلينا تشوف و نقيس الامور صح .. بتكلم من قلبي الكليب ده ميرضيش ربنا و انا عيطت لاني شفت نفسي في المشاهد دي .. دي كانت زلة نتيجة ظروف مريت بيها و كلنا بنغلط و لازم نغلط علشان احنا بشر بس المصيبة اننا بنغفل و بننسى.. انا مش حتكسف من حد أنا تبت من المشاهد دي و هي لا تصح و أنا غلطت و بصلح و أهم حاجه ان ربنا يرضي عني لان في الاخر ده اللي حينفعنا مش الشهرة و لا النجاح لا هو مش نجاح أصلا عشان النجاح الحقيقي حاجه تانية خالص احنا اغلبنا ناسينها الا القليلين منا الفن لو بيخلينا نبعد عن منهج ربنا و منبقاش قدوة لولادنا يبقي باطل و يبقاش فن).
قامت حلا بإلغاء متابعتها لتامر حسني عبر “انستغرام” ، فيلم “فيلم أنا” بطولة تامر حسني و حلا شيحة و سوسن بدر و ماجد الكدواني و حجاج عبد العظيم ، تأليف تامر حسني و إنتاج تامر مرسي و إخراج سارة وفيق .