إلهام علاء – مصر
طرح المطرب بهاء سلطان أحدث أغانيه التي تحمل عنوان “مارتحناش” عبر موقع الفيديوهات الشهير “يوتيوب” وجميع المنصات الموسيقية.
“مارتحناش” من كلمات الشاعر هانى رجب وألحان إسلام معز وتوزيع موسيقي عمرو صلاح، إنتاج شركة “روتانا”، منتج فنى سعيد إمام، مدير إنتاج ماجد سليمان.
تقول كلمات الأغنية:
أصعب حاجة في حياتك تبعد عن أي ناس
لو كان البعد راجل كنت قتلته وخلاص
لو كان البعد راحة كنا إرتحنا ونسينا
بس إحنا بقالنا فترة بنام بدموع عنينا
ومرتحناش ولا الناس اللي بعدوا إرتاحوا بعدينا
ولا حبايب هتيجي في يوم تنسينا
دي قلة راحة غصب عنا مابنهداش
ومرتحناش ولا الناس اللي بعدوا ارتاحوا بعدينا ولا حبايب هتيجي في يوم تنسينا
وقالوا هننسى بس بجد مابننساش
دايما تيجي النهاية عكس اللي إتمنناه
بعد ماتظبط حياتك على حد تكون معاه
تيجي الدنيا في ثواني تاخده بعيد عن إيدينا
ولا منه فضل معانا ولا منه غريب علينا
ومرتحناش ولا الناس اللي بعدوا إرتاحوا بعدينا
ولا حبايب هتيجي في يوم تنسينا
دي قلة راحة غصب عنا مابنهداش
ومرتحناش ولا الناس اللي بعدوا ارتاحوا بعدينا ولا حبايب هتيجي في يوم تنسينا
وقالوا هننسى بس بجد مابننساش
ويذكر أن بهاء سلطان قد طرح مؤخرا أغنية بعنوان “قبل ما أمشي” وحققت هذه الأغنية 2 مليون مشاهدة عبر موقع “اليوتيوب”، وهى من كلمات وألحان عزيز الشافعى وتوزيع وميكس وماستر وسام عبد المنعم، وإنتاج شركة “روتانا”.