إلهام علاء – دنا بريس
قال الفنان التشكيلي أحمد شيحة ، والد الفنانة حلا شيحة إنه يشك في أن يكون تصريح نجلته “حلا ” الأخير حول بعض مشاهدها في فيلم “مش أنا” بدافع منها.
وخلال مداخلة هاتفية مع الإعلامي محمد الباز في برنامج “آخر النهار” عبر قناة “النهار” شرح والد حلا قائلا : “أثناء تصوير الفيلم كانت سعيدة بيه جدا و كانت بتقول لي هيبقي فيلم هايل و هيحقق نجاح كبير”.
و أضاف: “بعد الفترة اللي انقطعت فيها خارج مصر عشان ولادها و المدارس بدأت يحصل عليها تغييرات أنا بقيت قلقان .. بدأ التصريح ده ، و أنا أشك كثيرا إن حلا كان الدافع وراه لسبب بسيط لان الفيلم نزل و نجح ، ما الجدوى إن أنا أعمل هذا الكلام بشكل مجاني و أحرك الدنيا ضدي”.
وردا علي سؤال مقدم البرنامج “هل توافقني إحنا قدام عملية إختطاف لحلا شيحة؟ قال: نعم و أنا حزين جدا لهذا الإختطاف لان حلا فنانة وحب الفن عندها عميق الي ابعد الحدود”.
و عند سؤال والد حلا : “شايف ماتكتبه بدافع و تأثير من معز مسعود؟” قال: “لا شك في ذلك و أنا بقول الكلام ده علي كامل مسؤليتي كأب “.
حلا شيحة ترد علي كلام و الدها عبر منشور لها عبر حسابها الشخصي بالإنستغرام قائلة : “الحقيقة مصدومة من الكلام اللي والدي قاله عن زوجي اللي اتجوزته بكامل ارادتي ووالحمدلله لقيت معاه كل المعاني الجميلة من احترام و رجولة و شهامة نادرة الايام دي و انا لم يخطفني احد كما قال والدي و الكلام ده لا يصح ابدآ أنا بحب زوجي و سعيدة بحبه ليا و بنحترم بعض و معز بيحترم رأيي و بيقدر مشاعري و بالعكس هو دائما بيهديني . و طبعا بيساندني ويشجعني لاني زوجته و حبيبته و هو اكبر بكتير من الكلام ده اللي بيتقال عليه و افتراءات مش صحيحة و هو ابعد مايكون عنها”.
و تتابع: “ن أسمح لاحد الكلام عنه وولن أسمح بأي تصور خاطئ عنه بأي شكل من الأشكال معز طول عمره له رؤيته الواضحة في الدين و حتي في الفن و هو ليس مع اي جماعة او فئه معينة هو يمثل نفسه و له افكاره و ارائه العلمية و الدينية المختلفة الجميلة و ليس لاحد ان يصنفه او يضعه في اي قالب فقط لان هواه لا يوافق مايمثله معز ، هو في ايه في بلدنا الايام دي بنحارب و نصارع في بعض و عايشين في قصص وهمية من نسج خيالنا عن بعض”.
و أضافت: “هو خلاص أي حد يتكلم بلغة الدين لازم يبقا متطرف أو أخواني هو مبقاش مسلمين وسطين طبيعين هو ليه كل أنواع الهجوم ده علي أي حد ، أنا زعلانة من والدي جدآ لانه يعرف معز كويس جدا و قعدوا مع بعض كتير ووالدي يحبه جدا و شاف منه كل الخير “.
و أشارت: “معز زيي إتجوز 14 سنة من عمره و كان مستقر في حياته و عنده ثلاث أولاد ربنا يخليهمله جمال ماشاء الله و عمره ماكان بتاع ستات زي مابيتقال كلام لايليق ابدآ و في الاخر زيي لم يكمل زي أي راجل محترم انه يلاقي استقرار في حياته في الحلال و متوقفش اكتر من مرة ودي مش حاجه تعيب اي حد ، و الحمدلله اتقابلنا و تلاقينا لان ظروفنا قريبة جدا و عندي اولاد مثله و اولادنا شبه بعض الحمدلله و استقرينا احنا الاتنين ليه ده يزعل الناس بدل ماندعي لبعض بالخير بقينا نتصيد لبعض و نخوض في اعراض بعض هو حصل في مجتمعنا ده احنا جرالنا ايه”.
و أنهت حلا: (في الاخر بوجه كلمه لوالدي الحبيب ان لا يصح ابدا كلامة مع كامل احترامي لك و الجميع ، أنا الحمدلله سعيدة في حياتي و مع زوج اتشرف انه زوجي و بعتز بيه و احنا اصدقاء قبل ان نكون ازواج ، و كل كلمة اكتبها و قلتها نابعة مني و انا متدينة بطبعي زي اي ست مصرية بتحب دينها وده لا يعيبني ، و تديني اللي بدأ من أكتر من 15 سنة من المنطقي ان معز مش هو السبب مش محتاجة حد يخطفني او يكتب عني و يوجهني ، هذا كلام لا يليق دعوا الخلق للخالق و كل واحد يخليه في حاله ، و ياريت نسمع من بعض بدل مانسمع عن بعض ، احسنوا الظن .