حوارها هانيا محسن وعبدالله طاهر
لافينيا نادر ممثلة وراقصة باليه في الأوبرا المصرية، وطالبة في الصف الرابع الإبتدائي في مدرسة نوترودام سكول مصر الجديدة لافينيا طفلة رائعة تمتلك موهبة كبيرة ..
من شجعك على دخول عالم الفن؟
بابي لأن هو أصلا كان بيمثل زمان من حوالى 20 سنة بس ساب التمثيل بسبب سفره للخارج وظروف شغله لكن فكر يرجع التمثيل من حوالي سنتان وأتخرج من ورشة نقابة المهن التمثيلية فلاحظ أني كنت بحفظ المونولوجات ومشاهد الورشة رغم صعوبتها فصورلي مشهد بالموبايل وأثناء تمثيله فى مسلسل نقل عام بطولة محمود حميدة وإخراج أ/عادل أديب كانوا محتاجين طفلة فعرض الفيديو على المخرج فوافق وكانت بداية اكتشافي
مين مثلك الاعلى ونفسك تكوني زيها أو زيه؟
النجمة الراحلة سعاد حسني لأنها ممثلة شاملة تجيد الغناء والرقص والتمثيل الكوميدي والتراجيدي
لافينا نادر أو “الطفلة المعجزة ” كلمينا عن نجاح دورك في مسلسل صوت وصورة؟
الحمد لله مبسوطة أوى من رد فعل الجمهور وإعجابه بأدائي فى الدور والفضل يرجع للنجمة الرائعة حنان مطاوع والمخرج المبدع توبة
كلمينا عن دورك الصعب في فيلم شلبي الي كان معتمد علي الرئكشن فقط؟
فعلا هو من أصعب الأدوار اللى مثلتها لأنه بالرغم من أنه دور بطولة فى الفيلم لكن الشخصية مش بتتكلم نتيجة صدمة نفسية فبذلت مجهود كبير فى التدريب على الشخصية حتى أستطيع التمثيل طوال الفيلم بالأنفعالات والريأكشنات فقط بدون كلام والحمد لله الجميع أشاد بأدائي فى الفيلم
ايه حمسك لدورك في فيلم شماريخ؟
أنه فعلا هيبقى مفاجآة كبيرة للجمهور لأنه دور مختلف تماما عن كل اللي مثلتها قبل كده ولا أعتقد أن أي مخرج آخر كان ممكن يكتشف أني أقدر أمثل شخصية زي دي علشان كده أنا بعتبر المخرج عمرو سلامة أعاد أكتشافي فى الدور ده.
عن كواليس صوت وصورة والتعاون مع حنان مطاوع ووليد فواز؟
النجمة الجميلة الحنونة حنان مطاوع فعلا بتحبني زي بنتها وأنا فعلا بحبها زي مامي وهى اللى رشحتني للدور فى مسلسل صوت وصورة لأني كنت مثلت معها فى مسلسل سره الباتع إخراج أ/خالد يوسف دور الأستاذة حنان مطاوع وهى صغيرة يعني مفيش مشاهد مشتركة بيننا لكننا أتقابلنا فى الكواليس مرتين وحبينا بعض أوى.. الأستاذ وليد فواز طيب جدا جدا ومقتنع بموهبتي جدا ومتوقع لي مستقبل كبيير
ايه اصعب مشهد في صوت وصوره؟
المشهد اللى ببعت فيه فيديو لماما رضوى علشان أرد على الفيديو اللى بعتتهولي لأني لما كنت بتفرج فعلا من الموبايل على الفيديو اللى بعتتهولي كنت بعيط من تأثري بأداء النجمة حنان مطاوع والمفروض أني ما أعيطش فى بداية المشهد فكنت بمسك نفسي بالعافية
ايه هو اصعب دور عملتي من ساعه ما بداتي؟
المشهد اللى ببعت فيه فيديو لماما رضوى علشان أرد على الفيديو اللى بعتتهولي لأني لما كنت بتفرج فعلا من الموبايل على الفيديو اللى بعتتهولي كنت بعيط من تأثري بأداء النجمة حنان مطاوع والمفروض أني ما أعيطش فى بداية المشهد فكنت بمسك نفسي بالعافية
كلمينا عن كواليس إعلانك الأخير للانتخابات الرئاسية؟
أنا كنت أشتغلت مع الشركة المتحدة للخدمات الإعلامية في الفيلم التسجيلي ( مثلث القيادة ) عن شهداء الجيش وتم عرضه فى احتفالية يوم الشهيد ٩ مارس بحضور سيادة رئيس الجمهورية عبد الفتاح السيسي وتم تكريمي فى الاحتفالية فعندما تم تصوير الإعلان أتصلت بيا الشركة المتحدة وطلبت مني تسجيل صوت للإعلان وبصراحة بحس بفخر كبير أوي لما بشارك فى أي عمل وطني لأنه واجب على كل مواطن
كيف كان التعاون مع المخرج عمرو سلامه وآسر ياسين؟
أنا بحب المخرج المبدع عمرو سلامة جدا لأنه فعلا بيهتم بأدق التفاصيل وهو بيحبني جدا ومقتنع أوي بموهبتي وأشاد بأدائي فى جميع لقائاته آخرهم مع الإعلامية منى الشاذلي.. النجم آسر ياسين من أول مشهد حصلت كيميا بيننا وازدات بعد تصوير إحدى مشاهد الأكشن فى الفيلم وقال عني للمخرج عمرو سلامة أني ذكية جدا وأشاد بيا فى العرض الخاص فى الفيلم وهو بيتصور معايا وقال للصحفيبن كلهم أني أحسن واحدة فى الفيلم
ايه اكتر شخصيه نفسك تعمليها أو تمثليها؟
نفسي أعمل شخصية أستعراضية لأني بلعب باليه في الاوبرا المصرية وشاركت في إحدى حفلات الباليه فى الاوبرا المصرية وحاسة أن الموضوع ده هيفيدني كتير لو عملت دور استعراض زي فوازير رمضان بتاعة زمان
ايه اعمالك الجايه وبتحضري ل ايه؟
ان شاء الله هيتعرض لى آخر الشهر ده أو أول الشهر القادم فيلم مقسوم بطولة النجمة ليلى علوى وشيرين رضا وسيد رجب وسما ابراهيم
مين الفنان اللي حابه تشتغلي معاه تاني ويجمعك عمل بيه؟
من اللى اشتغلت معاهم طبعا النجمة حنان مطاوع لأني بعشقها لكن من النجوم اللى ما أشتغلتش معاهم كتير: كريم عبد العزيز وأحمد عز وأحمد السقا وأحمد حلمي وتامر حسني ومنى ذكي ودينا الشربيني.